ტექნოლოგიური უნივერსიტეტის აშენებასთან დაკავშირებით თბილისის მერსა და ფონდ „ქართუს“ შორის კომუნიკაცია შედგა.

ამის შესახებ დავით ნარმანიამ ჟურნალისტებთან საუბრისას განაცხადა.

მისი თქმით, მას შემდეგ რაც პროექტის კონცეფცია იქნება წარმოდგენილი, შესაძლებელი გახდება, საუბარი, იმაზე, თუ რა ტერიტორია იქნება უნივერსიტეტისთვის გამოყოფილი.

„აღნიშნულ საკითხთან დაკავშირებით ფონდი „ქართუს“ წარმომადგენლებთან კომუნიკაცია მქონდა. არის რამდენიმე ტერიტორია, რომელიც შეიძლება მათ შევთავაზოთ. მას შემდეგ, რაც პროექტის კონცეფცია იქნება წარმოდგენილი, ვნახავთ, პროექტის მოცულობას და რამხელა ტერიტორია დასჭირდება მას“, - განაცხადა ნარმანიამ.

ფონდი „ქართუს“ დაფინანსებით თბილისში ტექნოლოგიური უნივერსიტეტი აშენდება.