თბილისის მერმა დავით ნარმანიამ შესაბამის სამსახურებს ქვეითად მოსიარულეთა გადასასვლების პრობლემის მოგვარებისკენ მოუწოდა.

მისი თქმით, ფეხით მოსიარულეების უსაფრთხოება დაცული უნდა იყოს.

„შესაბამის უწყებებთან და საპატრულო პოლიციასთან ერთად უნდა დავიწყოთ აქტიური მუშაობა იმაზე, რომ უპირატესობა ჰქონდეთ ფეხით მოსიარულეებს. იმ ადგილას, სადაც ეს ოფიციალურად არის გათვალისწინებული, მაგრამ მეორეს მხრივ, ისეთ ადგილებზე, სადაც უკანონოდ ხდება გზის გადაკვეთა, მოქალაქეებს მოვუწოდებ, ისარგებლონ ოფიციალურად განკუთვნილი გადასასვლელებით. ამიტომ ამ თვალსაზრისით აქტიური მუშაობა მოგვიწევს. ამ საკითხთა დაკავშირებით ინფორმაციის წარმოდგენას ტრანსპორტის სამსახურს ვავალებ. იურიდიულ სამსახურთან და კურატორ მოადგილესთან ერთად მზა წინადადების წარმოდგენას იანვრის ბოლომდე მზად უნდა იყოს“, - განაცხადა ნარმანიამ.