აუდიტის სახელმწიფო სამსახური მთავრობის კანცელარიას ამოწმებს. ინფორმაცია „ნიუპოსტს“ პრემიერის პრესსამსახურში დაუდასტურეს.

მათი ინფორმაციით, უწყებაში აუდიტის სამსახური გასული წლის დეკემბერში შემოვიდა. უწყების განმარტებით, მიმდინარეობს ბოლო 4 წლის განმავლობაში ფინანსური საქმიანობის შესწავლა, მათ შორის ხვდება ვანო მერაბიშვილის პრემიერობის პერიოდიც.

აუდიტის სახელმწიფო სამსახური მიმდინარე წელს ასევე გეგმავს პარლამენტისა და პრეზიდენტის ადმინისტრაციების, ცენტრალური საარჩევნო კომისიისა და თვითმმართველობის ორგანოების ფინანსური საქმიანობების შესწავლას. როგორც ცნობილია ძირითადად შემოწმდება 2013-2014 წლების საქმიანობა.