საპარლამენტო უმრავლესობაში სისხლის სამართლის კოდექსში მოსალოდნელ ცვლილებებს საქართველოს მოქალაქეების უცხო ქვეყნის ტერიტორიაზე უკანონო ფორმირებებში ჩართვასთან დაკავშირებით დადებითად აფასებენ.

დეპუტატ ანი მიროტაძის განცხადებით, ყველა ვინც სხვა ქვეყნის უკანონო ფორმირებაში ჩაერთვება უნდა დაისაჯოს.

„ადამიანი, რომელიც მიიღებს გადაწყვეტილებას ჩაერთოს ისეთი ოპერაციაში, რომელიც ადამიანის სიცოცხლის ხელყოფასთან იქნება დაკაშირებული, მიმაჩნია, რომ ეს არის დანშაული და ასეთი დანაშაული უნდა დაისაჯოს. თუ ჩვენ ამ საკითხთან დაკავშირებით საუბარი გვექნება, მე მხარს დავუჭერ, რომ გამკაცრდეს ნორმები, რადგან ეს ხელს შეუწყოს პრენევეციას, რომ ადამიანები კარგად დაფიქრდნენ თუ რაზე მიდიან“, - აცხადებს მიროტაძე.

იუსტიციის მინისტრის განცხადებით უკანონო შეიარაღებულ ფორმირებებში მონაწილეობა დასჯადი გახდება. წულუკიანის თქმით, მთავრობამ პარლამენტს საკანონმდებლო ინიციატივა უკვე გაუგზავნა, რომლის დამტკიცების შემთხვევაში უკანონო შეიარაღებულ ფორმირებებში მონაწილეობა 2 წლით თავისუფლების აღკვეთით დაისჯება.