„ნაციონალური მოძრაობის“ ერთ-ერთი ლიდერის გიგა ბოკერიას განცხადებით, ხელისუფლებამ სერიოზულად უნდა მიხედოს პრობლემას, რომელიც სირიაში საქართველოს მოქალაქეების საბრძოლველად წასვლას გულისხმობს

„იმის ნაცვლად რომ სამარცხვინო განცხადებებს აკეთებდეს და სდევნიდეს უკრაინაში საქართველოს და უკრაინის თავისუფლებისათვის მებრძოლ ჩვენს გმირებს, ჩვენმა მთავრობამ სერიოზულად უნდა მიხედოს იმ პრობლემას რასაც სირიაში ჩვენი თანამოქალაქეების საბრძოლველად წასვლა ჰქვია, რა თქმა უნდა ყველა ვინც ასადის სისხლიან რეჟიმს ებრძვის, ნამდვილად არ არის ტერორისტი, მაგრამ ალბათობა , რომ იქ ახალგაზრდა ჩაუვარდება ხელში ტერორისტულ ორგანიზაციებს და მას ტვინს გამოურეცხავენ, ძალიან მაღალია და ასეთი ახალგაზრდა შემდეგ საფრთხეა ყველასთვის.“- აცხადებს ბოკერია

ოფიციალური სტატისტიკური მონაცემები იმის შესახებ, თუ საქართველოს რამდენი მოქალაქე იბრძვის დღეს ისლამური სახელმწიფოს სახელით, არ არსებობს. სამაგიეროდ, არის დაღუპულთა მონაცემები. ამ ეტაპზე სირიაში საქართველოს 13 მოქალაქეა დაღუპული.