"სილქროუდ ჯგუფი" ხანძრით დაზარალებულებს პასუხობს

პოლიტიკა - 18:42, 13 Jan, 2015

1958

"სილქროუდ ჯგუფი" არ ადასტურებს გავრცელებულ ინფორმაციას იმის შესახებ ე.წ. აზარაიანცის შენობაში ცეცხლი მათ კუთვნილ ფართში გაჩნდა,.

კომპანიაში განმარტავენ, რომ შენობა მათ საკუთრებაში მხოლოდ იურიდიულადაა და ის უსახლკაროებს და სხვადასხვა დაწესებულებებს კეთილი ნების საფუძველზე აქვთ გადაცემული. რაც შეეხება ფართს, რომელსაც კომპანია თავად იყენებს, "სილქროუდ ჯგუფში" აცხადებენ, რომ ფართი დაცულია.

იმ კომერციული ფართის მეპატრონეები, რომლებიც შენობის პირველ სართულზე განთავსებული მომხდარში „სილქნეტს“ ადანაშაულებენ.

დაზარალებულების თქმით, სილქროუდმა" არ შეასრულა ნაკისრი ვალდებულებები,რის გამოც შენობა უყურადღებოდ იყო მიტოვებული.

„სილქროუდ ჯგუფის“ უძრავი ქონების მიმართულების დირექტორის გიორგი მარის განცხადებით, მათ ფართში ამჟამად აფხაზეთის კულტურის სამინისტრო და პანტომიმის თეატრია განთავსებული.

„2007 წელს დაიწყო სილქროუდ ჯგუფმა კერძო ბინების გამოსყიდვა ამ შენობაში, ჯგუფმა და ბატონმა ზარალამ , როგორც გიყვართ ხოლმე თქმა, 11 მილიონი დოლარის ინვესტიცია განახორციელა, ამის შემდეგ მოხდა უკვე სახელმწიფოსთან შეთანხმება, და გადმოგვეცა გარკვეული ფართები, რომლებშიც დღესაც აფხაზეთის კულტურის სამინისტროა განთავსებული და პანტომიმის თეატრი, სანამ ეს პრობლემა მოგვარდება ძალიან რთულია ამ შენობაზე, რაღაც კონკრეტული პასუხისმგებლობის განაწილება, იმიტომ რომ იურიდიულად ის ფართი ჩვენ გვეკუთვნის მაგრამ ის ამჯერად დაკავებულია სხვა ორგანიზაციების მიერ“

რამ გამოიწვია ხანძარი ე.წ. აზარიანცის შენობაში, ამ დრომდე უცნობია.