ექსპერტი ლევან ალაფიშვილი დადებითად აფასებს ადამიანის უფლებათა დაცვის კომიტეტის გადაწყვეტილებას, რომლის თანახმად გადაუდებელი აუცილებლობის დროს ჩასატარებელ ჩხრეკა-ამოღებისას, გამომძიებლის მიერ დადგენილების გამოტანის ვალდებულება ძალაში დარჩა.

ამის შესახებ ალაფიშვილმა ჟურნალისტებთან საუბრისას განაცხადა.

„მიღებულ იქნა გადაწყვეტილება სწორედ ადამიანის უფლებათა დაცვის უზრუნველსაყოფად. კერძოდ, ის ნორმა, რომელიც დღეს არსებობს და რომელიც სავალდებულო წესით გამომძიებლის მიერ ჩხრეკის ან ამოღების დადგენილების გამოტანას ითვალისწინებს, კვლავ იმოქმედებს“, - აცხადებს ალაფიშვილი.

ჩხრეკა-ამოღებისას გამომძიებლის მიერ დადგენილების გამოტანის ვალდებულების ძალაში დატოვების გადაწყვეტილება კომიტეტმა არასამთავრობო ორგანიზიების არგუმენტების მოსმენის საფუძველზე მიიღო.