ჩემთვის დიდი პატივია, ვიყო სახელმწიფო მეთაურის მრჩეველი

ჩემთვის დიდი პატივია, ვიყო სახელმწიფო მეთაურის მრჩეველი - კახა კოჟორიძე

პოლიტიკა - 16:22, 13 Jan, 2015

2434

„ჩემთვის ძალიან დიდი პატივი და პასუხისმგებლობაა, ვიყო საქართველოს სახწელმწოფოს მეთაურის მრჩეველი ადამიანის უფლებების და მართლმსაჯულების მიმართულებით“, - ამის შესახებ პრეზიდენტის მრჩევლემა კახა კოჟორიძემ განაცხადა.

კოჟორიძის თქმით, არსებობდა ძალიან ბევრი თემები, მათ შორის მართლმსაჯულების საკითხებში, რომელთა იგვლივაც იყო თანხვედრა მასსა და პრეზიდენტის გუნდს შორის.

,,ეს არის ის თემები, რომლებზეც მე რვა წლის განმავლობაში ვმუშაობდი ახალგაზრდა იურისტთა ასოციაციაში და შესაბამისად ამ თემებზე მომიწევს აქ მუშაობის გაგრძელება. მინდა აღვნიშნო, რომ ახალგაზრდა იურისტთა ასოციაციის თავმჯდომარეობის პერიოდში მე მომიწია პრეზიდენტთან და მის გუნდთან რამდენჯერმე შეხვედრა სხვადასხვა საკითხების გამო და მსურს ხაზი გავუსვა იმას, რომ ძალიან ბევრ საკითხზე რაც ეხება მართლმსაჯულებას, ადამიანის უფლებებს ჩვენ პრაქტიკულად ბევრ საკითხზე გვქონდა საერთო ხედვები და ღირებულებები, რაც მაძლევს იმის იმედს, რომ ჩვენი მომავალი თანამშრომლობა იქნება ნაყოფიერი და პროდუქტიული.“-განაცხადა კახა კოჟორიძემ.

საია-ს ყოფილი თავმჯდომარე კახა კოჟორიძე ადამიანის უფლებებისა და მართლმსაჯულების სფეროში პრეზიდენტის მრჩეველად დაინიშნა. პრეზიდენტის ადმინისტრაციაში კიდევ ერთი ცვლილება განხორციელდა. გიორგი აბაშიშვილი, რომელსაც პრეზიდენტის ეკონომიკური მრჩევბელის თანამდებობა ეკავა, პრეზიდენტის ადმინისტრაციის უფროსის დავით პატარაიას მოადგილედ დაინიშნა.