"ნაციონალური მოძრაობის" წევრის გია თევდორაძის ინფორმაციით, ვანისა და ქუთაისის მუნიციპალიტეტებში რამდენიმე თანამშრომელი, რომლებმაც ტესტირების შედეგად მინიმალური ზღვარი გადალახეს, სამსახურიდან დაითხოვეს.

ამის შესახებ თევდორაძემ პარტიის ოფისში გამართულ პრესკონფერენციაზე განაცხადა, რომელსაც ამ ფორმით გათავისუფლებული ქუთაისის მერიის ყოფილი თანამშრომელი ანრი თევდორაძე ესწრებოდა.

„სამსახურიდან გათავისუფლების ეს შემთხვევა ცხადყოფს, რომ ქუთაისში და ვანში მიმდინარეობს პოლიტიკური რეპრესიები. ე.წ. რეორგანიზაციის თუ გარკვეული რეფორმების პროცესი ნებისმიერ თვითმმართველობაში არის მხოლოდ და მხოლოდ პოლიტიკური წმენდის პროცესი, რის შედეგადაც ადამიანებს, რომლებსაც გააჩნიათ სამუშაო გამოცდილება და გარკვეული კომპეტენცია პოლიტიკური გემოვნების გამო უშვებენ სამსახურიდან,“ - განაცხადა დეპუტატმა.