პრეზიდენტი უზენაესი სასამართლოს თავმჯდომარის კანდიდატთან დაკავშირებით კონსულტაციების დასაწყებად მზად არის.

ამის შესახებ გიორგი მარგველაშვილმა ჟურნალისტებთან საუბრისას განაცხადა.

მისივე განმარტებით, არც კონსტიტუციით და არც კანონმდებლობით პრეზიდენტს არ აქვს ვალდებულება, რომ კონსულტაციები გამართოს.

„პრეზიდენტის პირდაპირი პრეროგატივა, რომ დაასახელოს კანდიდატურების, თუმცა ჩვენ ვაჩვენეთ, რომ ყველა ასეთ შემთხვევაში ვართ ღია კონსულტაციებისთვის. მოვუწოდებ საზოგადოებას, ასევე საპარლამენტო უმრავლესობას და ოპოზიციის წარმომადგენლებს, რომ ჩაერთონ ამ კონსულტაციებში“, - განაცხადა პრეზიდენტმა.

უზენაესი სასამართლოს თავმჯდომარის ახალ კანდიდატურასთან დაკავშირებით მთავრობასთან და პარლამენტთან კონსულტაციები დაიწყებისკენ პრეზიდენტს თეა წულუკიანმა მოუწოდა.