„ქართველები არ ვართ მხოლოდ 5 მილიონი, საკუთარ თავს უნდა მივათვალოთ 2 მილიონი ლიტველი, 2 მილიონი ესტონელი, 3 მილიონი ლატვიელი და ასე შემდეგ“, - ამის შესამდეგ პარლამენტის თავმჯდომარემ დავით უსუფაშვილმა "ლიტვის თავისუფლების დამცველთა" დღისადმი მიძღვნილ ღონისძიებაში მონაწილეობის დროს განაცხადა.

მისი თქმით, ლიტველი ხალხი ბოროტების იმპერიის მსხვერპლი აღმოჩნდა და იმ დღიდან მოყოლებული ქართველები და ლიტველები ერთად იხსენებენ ტრაგიკულ მოვლებეს.

„დღევანდელი დღე სიმბოლურია. მოხარული ვარ, რომ ლიტვის საელჩომ სწორედ ასე გადაწყვიტა დღევანდელი დღის აღნიშვნა. კიდევ ერთხელ ვუცხადებთ სოლიდარობას ლიტველებს, ჩვენს ძმებს ჩვენს მეგობრებს თავისუფლებისთვის ბრძოლაში. ასეთ დღეებში ჩვენ ყველაზე კარგად უნდა გავიაზროთ ის, რომ ქართველები არ ვართ მხოლოდ 5 მილიონი, ასეთ დღეებში უნდა მივათვალოთ საკუთარ თავს 2 მილიონი ლიტველი, 2 მილიონი ესტონელი, 3 მილიონი ლატვიელი და ასე შემდეგ“ - განაცხადა დავით უსუფაშვილმა.