საქართველოს ექს-პრეზიდენტის მიხეილ სააკაშვილის თქმით, ის საქართველოში მალე დაბრუნდება და ამას ქართველი ხალხი გააკეთებს.

ამის შესახებ სააკაშვილმა „რუსთავი 2“-ის ეთერში განაცხადა.

"ამას გააკეთებს ქართველი ხალხი, ამას გააკეთებს ის, რომ იცვლება გეოპოლიტიკური სიტუაცია, რუსეთი ძალიან სუსტდება, ჩვენი მეგობრები ძლიერდებიან, რატომ არის, რომ უკრაინაში ამდენ ქართველს ნიშნავენ და კიდევ დანიშნავენ. იდეა, რომელიც ჩვენ შევქმენით რეფორმირებული, თანამედროვე, ახალი ქვეყნის, მიუხედავად სიღარიბისა და უბედურებისა, ქვეყნის, რომელიც ეკუთვნის მის მოქალაქეებს, გრძელდება. ეს იდეა მთელ რეგიონში ძლიერდება. ძალიან სწრაფად იცვლება ვითარება, ივანიშვილისთვის ძალიან ცუდი კომბინაცია დაჯდა მოვლენების. პროვინციული დიქტატურა საქართველოში ვერ გაიხარებს. მე ძალიან ოპტიმიზმით ვარ განწყობილი“, - განაცხადა სააკაშვილმა.