„რეფორმატორთა კლუბი“ საფრანგეთში მომხდარ ტერორისტულ აქტს გმობს და დაღუპულთა ოჯახებს სამძიმარს უცხადებს.

ამის შესახებ „რეფორმატორთა კლუბის“ მიერ გავრცელებულ განცხადებაშია ნათქვამი.

„მიგვაჩნია, რომ ..Charlie Hebdo” -ს რედაქციაზე თავდასხმა არ არის მხოლოდ და მხოლოდ კონკრეტული ჟურნალისტებისა და ორგანიზაციის მიმართ შურისძიების აქტი, არამედ ზოგადად სიტყვისა და გამოხატვის თავისუფლების წინააღმდეგ მიმართული ძალადობა მისი ყველაზე საშიში და მიუღებელი, ტერორიზმის ფორმით.

თავისუფალ სიტყვაზე თავდასხმა ნიშნავს მთელ ცივილიზებულ სამყაროზე თავდასხმას. ის ღირებულებები, რომელზედაც თანამედროვე დასავლეთია დაფუძნებული, სწორედაც რომ სიტყვის, გამოხატვის, აზროვნების თავისუფლების შედეგია.

..Charlie Hebdo”-ს ტრაგედია არის თავისუფლებასა და ავტორიტარიზმს, ტოლერანტობასა და შეუწყნარებლობას შორის მკვეთრად გავლებული ზღვარი“, - ნათქვამია განცხადებაში.