56 ადამიანი გარდაიცვალა მოზამბიკში მოწამვლის შედეგად, 49 ადამიანი კი მოწამვლის ნიშნებით ჰოსპიტალიზირებულია. ინფორმაციას ამის შესახებ „ასოშიეიტედ პრესი“ ავრცელებს.

შემთხვევა გასვენებაში მოხდა, სადაც სტუმრებს ადგილობრივი ლუდით გაუმასპინძლდნენ. გარდაცვლილების სისხლი და ლუდი ექსპერტიზისთვის ლაბორატორიაში გადაიგზავნა.

გამოძიების ცნობით ლუდში საწამლავი ჩაყარეს, ვარაუდს ამყარებს ისიც, რომ მხოლოდ ის ადამიანები მოიწამლნენ, რომლებმაც ლუდი დღის მეორე ნახევარში დალიეს. ლუდში საწამლავი სავარაუდოდ მაშინ ჩაყარეს როდესაც დაკრძალვის ყველა მონაწილე სასაფლაოზე იმყოფებოდა.