„უზენაესი სასამართლოს თავმჯდომარეს პოლიტიკური ბეგრაუნდი არ უნდა ჰქონდეს“, - ამის შესახებ უზენაესი სასამართლოს თავმჯდომარემ კონსტანტინე კუბლაშვილმა განაცხადა.

მისი თქმით, ახალ თავმჯდომარეს პოლიტიკასთან მიმართებაში სუფთა მდგომარეობა უნდა ჰქონდეს.

„ისევე, როგორც ამერიკის შეერთებულ შტატებში ნაწილობრივ უზენაესი სასამართლოს თავმჯდომარის დანიშვნა პოლიტიკური დანიშვნაა, რადგან კანდიდატს პრეზიდენტი წარადგენს და პარლამენტი ნიშნავს. ამის მუხედავად აშშ-ში თავმჯდომარეებს ეს პრინციპულობაში ხელს არ უშლის. ჩვენთანაც იგივე უნდა განხორციელდეს, თუმცა ადამიანი როცა დაინიშნება, მას უნდა ჰქონდეს სუფთა მდგომარეობა პოლიტიკასთან მიმართებაში", - განაცხადა კონსტანტინე კუბლაშვილმა.

კუბლაშვილი გავრცელებულ ინფორმაციასაც გამოეხმაურა, რომლის თანახმად იგი უზენაესი სასამართლოს მომავალი თავმჯდომარის კანდიდატთან დაკავშირებით კონსულტაციებს პრეზიდენტთან მართავდა. მისი თქმით, აღნიშნული სიმართლეს არ შეესაბამება. როგორც

უზენაესი სასამართლოს თავმჯდომარის პოსტზე კუბლაშვილს უფლებამოსილების ვადა თებერვალში ეწურება.