არასანქცირებული ჩხრეკიშ შესახებ უმრავლესობის მიერ მომზადებულ პროექტს „ერთიანი ნაციონალური მოძრაობის“ წევრი, სერგო რატიანი გამოეხმაურა. რატიანის თქმით, ეს კანონი დემოკრატიული საზოგადოების წინააღმდეგ არის მიმართული და მას ხელისუფლება მოქალაქეებზე ზეწოლისთვის გამოიყენებს.

„არასანქცირებული ჩხრეკა, საერთოდ, მიმართულია დემოკრატიული სახელმწიფოს ნორმალური საზოგადოების წინააღმდეგ. იმის მაგივრად, რომ გამკაცრებულიყო ზომები და გადახედილიყო ის ნორმა, გადამოწმებულიყო თუ რამდენად სანქცირებული და რამდენად სამართლებრივად სწორად იყო გაცემული სანქციები, პირიქით, ისინი იადვილებენ გზას იმისათვის, რომ მოქალაქეებზე მოახდინონ ზეწოლა,“ - განაცხადა სერგო რატიანმა.

კანონპროექტი გადაუდებელი აუცილებლობის შემთხვევაში სამრთალდამცველებს ჩხრეკის უფლებას ზეპირი განმარტების საფუძველზე აძლევს, აღნიშნულ კანონპროექტს დღეს დეპუტატები კომიტეტების სხდომებზე განიხილავენ.