საქართველოს საგარეო საქმეთა სამინისტრო პარიზში განხორციელებულ ტერორისტულ აქტს, გამოხატვის წინააღმდეგ მიმართულ ბარბაროსულ აქმედებად აფასებს.

ამის შესახებ განცხადება უწყების პრესსპიკერმა, დავით კერესელიძემ განაცხადა.

„ეს იყო პრესის და თავისუფლების წინააღმდეგ განხორციელებული ბარბაროსული აქტი. ამ ტერაქტებით კიდევ ერთხელ დადასტურდა რადიკალური იდეოლოგიის საფრთხეების სერიოზულობა. ამიტომ მნიშვნელოვანია, რომ გუშინ პარიზში ტერორიზმის და რადიკალური ექსტრემიზმის წინააღმდეგ გამართულმა მილიონიანმა მარშმა ერთად შეკრა საერთაშორისო თანამეგობრობა. ეს გახლდათ უპრეცედენტო მსოფლიო კონსოლიდაციის დემონსტრირება, რასაც საქართველოც უერთდება. ჩვენ ვადასტურებთ სოლიდარობას მთელი დემოკრატიული სამყაროს მიმართ,“ - განაცხადა დავით კერესელიძემ.