„თავისუფალი დემოკრატების“ ერთ-ერთი ლიდერის მაია ფანჯიკიძის თქმით, ის რაც საფრანგეთში მოხდა ყველს სატკივარია და მსგავს ტრაგედია შესაძლოა ნებისმიერ ქვეყანაში განვითარდეს.

ამის შესახებ ფანჯიკიძემ ჟურნალისტებთან საუბრისას განაცხადა.

მისი თქმით, აუცილებელია საქართველოში განხორციელდეს ტერორიზმის წინააღმდეგ მიმართული ყველა ის ღონისძიება, რომელიც გატარდება დასავლეთის ქვეყნებში.

„სოლიდარობის დემონსტრირება ძალიან მნიშვნელოვანია არა მხოლოდ ფრანგი ხალხის მიმართ, არამედ იმ ღირებულებების მიმართ, რომლის წინააღმდეგაც იყო მიმართული ეს ტერორისტული აქტები. მთავარი გზავნილი, რომელიც საქართველოს აქვს პარტიული კუთვნილების მიუხედავად, არის ერთიანი - დღეს ყველანი ვართ საფრანგეთის სოლიდარულები,“ - განაცხადა მაია ფანჯიკიძემ.