ერთნაირად საშიშია რელიგიას ამოფარებული ტერორისტული ჯგუფები და ტერორისკენ მიდრეკილი სახელმწიფოები

პოლიტიკა - 16:12, 11 Jan, 2015

1783

არ აქვს მნიშვნელობა ამას აკეთებს ცალკეული ტერორისული დაჯგუფება თუ სახელმწიფო, მაგალითად რუსეთის სახით, ორივეს საერთო მიზანი აქვს და უპირისპირდება დასავლურ სამყაროს - ასე აფასებს ეროვნულ-დემოკრატიული პარტიის ლიდერი ბაჩუკი ქარდავა საფრანგეთში განვითარებულ მოვლენებს.

,,მთელი მსფოლიოს პრობელმაა ის, რა მოხდა ამ დღებში საფრანგეთში და დღეს უკვე გერმანიაში. რა მიზნებითაც არ უნდა ხორციელდებოდეს, ეს არის დაუშვებელი. ტერორიზმს და ექსტერმიზმს აქვს 2 ფორმა, ერთი, როცა ცალკეული პიროვნებები, რელიგიას ამოფარებულნი ახორციელებენ ტერორს და ექსტრემიზმს და მას იყენებენ ამა თუ იმ პოლიტიკური მიზნებისთვის და მეორე, მაგალითად რუსეთის სახით, როცა სახელმწიფო ასევე რელიგიას ამოფარებული ახორციელებს ტერორიზმს მისი მეზობელი სუვერენული სახელმწიფოების წინააღმდეგ. ამდენად, არ აქვს მნიშვნელობა ამას აკეთებს ცალკეული ტერორისული დაჯგუფება თუ სახელმწიფო, ეს ერთნაირი დანაშაულია კაცობრიობის წინაშე და მას საერთო მიზანი აქვს, ეს არის დასავლური ცივილიზებული სამყაროს მტრობა.

დარწმუნებული ვარ, ისინი მხოლოდ დროებით ახერხებენ დაურღვიონ მშვიდობა მსოფლიოს. ყველა ის, ვინ უპირისპირდება თავისუფალ აზროვნებას, დასავურ ცივილიზაციას, დანარჩენ მსოფლიოს, აუცილებლად იქნება დამარცხებული, სწორედ ისეთი სოლიდარობით და ერთიანობით, როგორც დღეს ეს ხდება საფრანგეთის დედაქალაქში“, - აცხადებს ბაჩუკი ქარდავა.