დიასპორის საკითხებში სახელმწიფო მინისტრის მოადგილე სანდრო ბრეგაძე მის გადაყენებასთან დაკავშირებით არასამთავრობო ორგანიზაციების განცხადებას პასუხობს.

„ვუერთდები მოთხოვნას და მეც ვითხოვ ამ სანდრო ბრეგაძის გადაყენებას. თავისი რწმენის სიყვარულის გამო,თავმოყვარეობისა და შეურაცხყოფებზე თვალის არდახუჭვის გამო ვითხოვ მის გადაყენებას, როგორ გაბედა და სიტყვა შეუბრუნა ეკლესიის მაგინებლებს???.ისე თუ მთავრობაში ვინმე,ერთი კაცი მაინც ისე ფიქრობს როგორც ეკლესიის,სარწმუნოების და პატრიარქის მტრები,მაშინ ეს ბრეგაძე მართლა გადასაყენებელია,რადგან მისი ადგილი ესეთ მთავრობაში მართლა არაა. ერთი უფრო კრეატიული აზრი მომივიდა---მოდი საერთოდ კოცონზე დავწვათ სახალხოდ,რომ სხვამაც ვერ გაბედოს სიტყვის შებრუნება ე.წ. არასამთავრობოებზე. საერთოდ კონსტიტუციაში ჩავწეროთ,რომ ის ვინც გაბედავს განსხვავებული აზრის დაფიქსირებას ამ ე.წ. არასამთავრობოების მიმართ გავნდევნოთ, გადავასახლოთ და მოქალაქეობა ჩამოვართვათ.!!!!!!“, - წერს სოციალურ ქსელში ბრეგაძე.

სამოქალაქო პლატფორმაში "არა ფობიას!" შემავალი არასამთავრობო ორგანიზაციები დიასპორის საკითხებში სახელმწიფო მინისტრის მოადგილის სანდრო ბრეგაძის მიერ 8 იანვარს გაკეთებულ განცხადებას აპროტესტებენ. არასამთავრობოები პრემიერს და მთავრობას მიმართავენ ბრეგაძის თანამდებობაზე დატოვების მიზანშეწონილობაზე იმსჯელონ.