საფრანგეთში განხორციელებული ტეორისტული აქტების სამიზნე სიტყვის თავისუფლება, ტოლერანტობა და დემოკრატია იყო.

ამის შესახებ საქართველოში საფრანგეთის ელჩმა, რენე სალენსმა „საზოგადოებრივ მაუწყებელთან“ ინტერვიუში განაცხადა, რომლის სრული ვერსიაც ,,მოამბის" 20:00 საათიან გამოშვებაში გავა.

ელჩმა ქართველ ხალხს მძიმე დღეებში გამოხატული მხარდაჭერისთვის მადლობას უხდის და ამბობს, რომ ეს მხარდაჭერა ქართველების დემოკრატიასთან კავშირს ადასტურებს.

„სამიზნე ერთია - გამოხატვის თავისუფლება, ტოლერანტობა და დემოკრატია. თქვენ ნახეთ თუ რა რეზონანსი გამოიწვია საფრანგეთში განვითარებულმა მოვლენებმა მთელ მსოფლიოში. თქვენ ნახეთ კამპანია - „მე ვარ შარლი“, მათ შორის საქართველოშიც, რადგან ყველას ესმის, რომ თავისუფლება, ტოლერანტობა და დემოკრატია არის საფრთხე და ამიტომ, ჩვენი პრობლემა უნივერსალური საკითხი გახდა. ეს ნიშვანს, რომ ყველა ერთსა და იმავე მსოფლიოს მივეკუთვნებით, ვიზიარებთ ერთსა და იმავე პრინციპებს და გვინდა, რომ დავიცვათ ისინი ერთი და იმავე გზით. მე შემძრა საქართველოს მხარდაჭერამ. ეს აჩვენებს, რომ ქართული საზოგადოება პროგრესული საზოგადოებაა. მოვლენებმა ქართველებშიც იგივე გრძნობა გამოიწვია, რაც მაგალითად ამერიკელებში, ავსტრალიელებში და ასე შემდეგ. საქართველომ აჩვენა კავშირი დემოკრატიასთან, ტოლერანტობასთან და სიტყვის თავისუფლებასთან“, - განაცხადა ელჩმა.