,,დემოკრატიული განვითარების ეროვნული ცენტრის“ ხელმძღვანელი მუხრან ბურჭულაძე მიიჩვევს, რომ პიროვნების ჩხრეკვასთან დაკავშირებით "სისხლის სამართლის საპროცესო კოდექსში" დაგეგმილი ცვლილებები ადამიანის უფლებებს არღვევს.

ამის შესახებ ბურჭულაძე „ფეისბუქის“ პირად გვერდზე წერს.

„გაოლიგარქებული "ბომჟის" გადაუდებელი სურვილი "დააჩმოროს" ხალხი...

უსაფუძვლოდ ადამიანის ჩხრეკას, პატივისა და ღირსების აყრას, ოპონენტების დევნას, პატიმრის ჯაჭვებით დაბმას, თქვენ ისევე აღიქვამთ დემოკრატიულ პროცესად როგორც თქვენი პატრონი პუტინი.

გამოტვინებული შევარდნაძის დროსაც კი ფორმალურად არსებობდა კანონში, უსაფუძვლო ჩხრეკისგან დაცვის ეს ნორმა.

ვაი თქვენ ვინც ამ ინიციატივას მხარს დაუჭერთ!“, - წერს ბურჭულაძე.

გადაუდებელი აუცილებლობის შემთხვევაში ჩასატარებელ ჩხრეკა-ამოღებისას, გამომძიებლის მიერ შესაბამისი დადგენილების გამოტანა საჭირო აღარ იქნება. საკმარისი იქნება გამომძიებელმა პირ ჩხრეკის თუ ამოღების საფუძველი განუმარტოს.

"სისხლის სამართლის საპროცესო კოდექსში" შესატანი ცვლილებები განსახილველად პარლამენტს დეპუტატებმა მანანა კობახიძემ, დავით საგანელიძემ, გედევან ფოფხაძემ, ზვიად კვაჭანტირაძემ და პაატა კიკნაველიძემ წარუდგინეს.