"ერთიანი ნაციონალური მოძრაობის ლიდერებმა" მწუხარება გამოთქვეს საფრანგეთში მომხდარი ტერორისტული აქტის გამო და დაღუპულთა ოჯახებს და მთლიანად საფრანგეთს სამძიმარი გამოუცხადეს.

პარტიის ერთ-ერთი ლიდერი გიგა ბოკერია საფრანგეთის საელჩოში იმყოფებოდა, სადაც სამძიმრის წიგნში ჩანაწერი გააკეთა.

„ჩვენ აქ მოვედით, რომ საფრანგეთის საზოგადოებას სამძიმარი გამოუცხადოთ. ეს არ იყო თავდასხმა ადამიანების კონკრეტულ ჯგუფზე, ეს არის თავდასხმა სიტყვის თავისუფლებაზე. ეს არის სეროზული გამოწვევა მათთვის, ვისაც გვსურს, რომ დავიცვათ სიტყვის თავისუფლება“ , - განაცხადა ბოკერიამ.