პარლამენტის იურიდიული კომიტეტის თავმჯდომარემ, ვახტანგ ხმალაძემ, ჟურნალისტებთან მაჟორიტარული საარჩევნო სისტემის შესახებ ისაუბრა და განაცხადა, რომ საჭიროა პროპორციულ სისტემაზე გადასვლა, რადგან მაჟორიტარული სისტემა პოლიტიკურ გნწყობას ვერ ასახავს.

"მაჟორიტარული საარჩევნო სისტემა ერთ-ერთი ყველაზე უფრო ცუდი სისტემაა. ყოველთვის მიმაჩნდა, რომ პოლიტიკური განწყობების სწორ ასახვას მხოლოდ პროპორციული საარჩვენო სისტემა იძლევა. მხოლოდ მაჟორიტარული საარჩევნო სისტემა რომ ყოფილიყო, ჩვენ თითქმის 100%-ით ერთპარტიული პარლამენტი გვეყოლებოდა. მაჟორიტარული სისტემის პრინციპი მარტივია: - ვინც ჯობნის სხვებს, იმას მიაქვს მანდატი. სხვას შესაძლოა აჯობო 50%-ით ან 30%-ით, ანუ შესაძლებელია, ერთ პოლიტიკურ ძალას 50%-ზე ნაკლები მხარდაჭერა ჰქონდეს, მაგრამ იმის გამო, რომ ყველა ოლქიდან თითო კაცი გადის, შესაძლოა ყველა მანდატი ერთმა ძალამ წაიღოს. ამიტომ არასწორი და ცუდია მაჟორიტარული საარჩევნო სისტემა", - განაცხადა ვახტანგ ხმალაძემ.