საქართველოს ელჩი საფრანგეთში, ეკატერინე სირაძე-დელონე, კურიერთან საუბრისას აცხადებს, რომ ვითარება საკმაოდ მძიმეა საფრანგეთში, რადგან მსგავსი ტერაქტი პარიზში არ მომხდარა.

„ვითარება საკმაოდ მძიმეა, რადგან დიდი ხანია საფრანგეთში ტერაქტი არ მომხდარა, მითუმეტეს როდესაც ამდენი ადამიანია გარდაცვლილი. უკვე ათეულობით წელია მსგავსი რამ არ განხორციელებულა პარიზში. გუშინ რესპუბლიკის პრეზიდენტმა განაცხადა რომ მათ მოახრერხეს რამდენიმე ტერაქტის თავიდან აცილება, მაგრამ ვერ შეძლეს გუშინდელი ტერორისტული აქტი შეეჩერებინათ. ვითარება ქვეყანაში დაძაბულია. ტერორისტების ეს ქმედება ნიშნავს, რომ საფრანგეთი ფაქტიურად ომში ჩაერთო" - აცხადებს ეკატერინე სირაძე-დელონე.

ეკა სირაძე დელონე „კურიერთან“ საუბრისას აღნიშნავს რომ საფრანგეთში რელიგიურ ნიადაგზე დაპირისპირების საფრთხე არსებობს.

„მთავარია ახლა ერთობა და ეს ერთობა საფრანგეთში არის. მთავრობა ცდილობს არ განაწყოს მოსახლეობა ისე რომ მოხდეს ფრანგი ხალხის დამოკიდებულების შეცვლა ყველა მუსლიმანის წინააღმდეგ. მაგრამ ეს საფრთხე არსებობს. თუმცა ვფიქრობ რომ საფრანგეთის მთავრობის ყველა განცხადება არის სწორი,“- აცხადებს დელონე.

საქართველოს ელჩი ასევე აღნიშნავს, რომ საფრანგეთისთვის სიტყვის თავისუფლება დემოკრატიის ერთ-ერთი საყრდენია, მისი თქმით, საფრამგეთში ყველა ერთ აზრზე დგას, კერძოდ ის, რომ უნდა გაგრძელდეს ასეთი ტიპის ჟურნალების გამოცემა და რელიგია უნდა იყოს სატირის საგანი.

,,ფრანგებისათვის სიტყვის თავისუფლება არის ერთ-ერთი საყრდენი დემოკრატიისა, მათთვის ეს ძალიან მნიშვნელოვანია, შესაბამისად დღეს ძალიან ბევრმა ჟურნალმა მიაგო პატივი დაღუპულ მხატვრებს და მათთაც გააკეთეს საკუთარი სატირული ჩანახატები ჟურნალებში" - განაცხადა ელჩმა