საკრებულოს წევრი ალეკო ელისაშვილი ონაშვილის ქუჩაზე მშენებარე კორპუსის კედლის ჩამონგრევას თბილისის მერის „უმწეობის შედეგს“ უწოდებს.

მისი თქმით, საკრებულოში შესვლის დღიდანვე მოუწოდებდა ნარმანიას, რომ თბილისში მიმდინარე მშენებლობების კანონიერება გადაეხედა.

„რასაც ჩვენ აქ ვუყურებთ ეს არის დავით ნარმანიას უღონობის და უმწეობის შედეგი , პირველი დღიდან ვეუბნებოდი მეც და ეს ხალხიც, ვინც აქ აპროტესტებდა, რომ გაჩერებულიყო და მორატორიუმი გამოცხადებულიყო საბურთალოზე ვერაზე და ვაკეში,

არც ღონე ყოფნის, არც გამბედაობა და არც ძალა დავით ნარმანიას, რომ ასეთ რამეებს მიხედოს, ნუ იყურებიან ცაში, იმიტომ რომ ყველა ინსტრუმენტი „ქართული ოცნების“ ხელშია- პარლამენტი, მთავრობა საკრებულო, მერია. რაღა უნდათ მიქელ-გაბრიელი უნდა ჩამოვიდეს და მშენებლობებს დაერიოს თუ რაღა უნდა მოხდეს მეტი?“- განაცხადა ელისაშვილმა.

თბილისში, ონიაშვილის ქუჩაზე მშენებარე კორპუსის მე-7 და მე-6 სართულების კედლები ჩამოინგრა. შემთხვევის შედეგად არავინ დაშავებულა.