თბილისის მერმა დავით ნარმანიამ საკრებულოს თავმჯდომარესთან და თანამშრომლებთან ერთად ალილოს მონაწილეებს საშობაო ნობათი გადასცა.

როგორც ნარმანიამ თავისუფლების მოედანზე ჟურნალისტებთან საუბრისას განაცხადა, ალილო ტრადიციული და ძალიან მნიშვნელოვანი ღონისძიებაა.

„ალილოში, თბილისის მერის რანგში პირველად ვღებულობ მონაწილეობას. თბილისის მერია და თბილისის საკრებულო აქტიურად ჩაერთო ამ ღონისძიებაში. ალილო ძალიან მნიშვნელოვანი და ტრადიციული ღონისძიებაა. ჩვენ დედაქალაქის ბიუჯეტიდან განვახორციელეთ პროგრამული ნაწილის მხარდაჭერა და ასევე მერიის ხელმძღვანელობა და საკრებულოს წევრები ღონისძიებაში ჩავერთეთ, რათა ჩვენი მოკრძალებული წვლილი შევიტანოთ", - განაცხადა დავით ნარმანიამ.