"პირადად მე ვარ წინააღმდეგი აბორტის“,- ამის შესახებ პრემიერ-მინისტრმა პატრიარქის საშობაო ეპისტოლეზე საუბრისას განაცხადა, სადაც უწმინდესმა აბორტს ძალადობის საზარელი ფორმა უწოდა.

ირაკლი ღარიბაშვილს მიაჩნია, რომ თუ ჯანმრთელობასთან დაკავშირებული აუცილებლობა არ არის, აბორტი არცერთმა მოსიყვარულე ოჯახმა არ უნდა გააკეთოს.

“ცოლ-ქმარს უნდა უყვარდეს ერთმანეთი. რაც მთავარია, უნდა იფიქრონ მატებაზე და შვილებზე და არა მათ მოკვლაზე. მე ვფიქრობ, რომ ეს არასწორია, თუ რაღაც განსაკუთრებული აუცილებლობა არ არის. მე მინდა თქვენ შეგახსენოთ, რომ მოსახლეობა სულ უფრო მცირდება, ასე რომ, ჩვენ უნდა ვიფიქროთ გამრავლებასა და მატებაზე და არა მათ მოკვლაზე”, - აღნიშნა ღარიბაშვილმა.