,,არანაირი კავშირი არ გვაქვს ბატონ გია კორკოტაშვილთან“

,,არანაირი კავშირი არ გვაქვს ბატონ გია კორკოტაშვილთან“ - ,,გაბრაზებული მოქალაქეები“

სოც.მედია - 21:47, 06 Jan, 2015

3501

ორგანიზაცია ,,გაბრაზებული მოქალაქეები“ კატეგორიულად ურაყოფენ რაიმე სახის იურიდიულ კავშირს გია კორკოტაშვილის კოალიციასთან. ამის შესახებ ,,გაბრაზებული მოქალაქეები“ ორგანიზაციის ,,ფეისბუქის“ გვერდზე წერენ.

,,სრული პასუხისმგებლობით ვაცხადებთ, რომ აქ დაშვებულია შეცდომა. ჩვენ მოძრაობას და მის დამფუძნებლებს არანაირი იურიდიული კავშირი არ აქვთ ბატონ გია კორკოტაშვილთან. ჩვენ არ გამივრიცხავთ არავისთან თანამშრომლობას საქართველოს კეთილდღეობისთვის, მაგრამ ჩვენთან იურიდიულ ნებისმიერ კავშირს ნებისმიერ სხვა მოძრაობასთან არ ვადასტურებთ“, - ნათქვამია განცხადებაში.

10 იანვარს თბილისში ახალი პოლიტიკურ-საზოგადოებრივი კოალიცია „გაბრაზებული მოქალაქე“ დაფუძნდება, რომლის სლოგანიც - „ აბა, ჰე, აბა ჰო!“ იქნება. მოძრაობის ერთ-ერთი დამფუძნებლის გია კორკოტაშვილის განცხადებით, ეს იქნება გაერთიანება, რომელიც 2016 წლის საპარლამენტო არჩევნებშიც მიიღებს მონაწილეობას.

„ოცნება“ ძალიან დაბნეულია, ჯოხი ბიძინა ივანიშვილზე ტყდება, ბიძინა არის გუნდის მწვრთნელი, ასევე მოთამაშე მწვრთნელი და მოთამაშეც. მე „ქართული ოცნების“ მხარეზე ვარ მინდა საზოგადოება შეგროვდეს, ერთ მუშტად შეიკრას და დაანახოს, რაშია სუსტი ხელისუფლება და ვინ არის ამაში დამნაშავე. თუ ამ ხელისუფლებას და სახელმწიფოს უნდა, რომ ერთად ვიაროთ, მაშინ მოგვისმინოს.“ - აცხადებს გია კორკოტაშვილი.

მისი თქმით მოძრაობაში ყველა ტიპის ადამიანი გაერთიანდება მათ შორის ძველი ძალოვანები, ვეტერანები, არასამთავრობოები, ახალგაზრდები „ჩვენი უპირველესი ამოცანაა, საზოგადოება გამოვიყვანოთ „კუხნიდან“ - ამბობს კორკოტაშვილი.