საქართველოს საგარეო პოლიტიკის უწყებათაშორისი საბჭოს სხდომაზე 2015 წლისთვის აქტუალური საკითხები იქნა განხილული. ამის შესახებ სხდომის დასრულების შემდეგ საგარეო საქმეთა მინისტრმა განაცხადა.

„ვისაუბრეთ პრიორიტეტებზე, რაც საყოველთაოდ ცნობილია. მაქსიმალურად ინტენსიურად და ეფექტურად უნდა ავამოქმედოთ ევროპული და ევროატლანტიკური ინტეგრაციის დღის წესრიგი. ამ მიმართულებით კონკრეტული ინსტრუმენტები გვაქვს. ესაა ასოცირების ხელშეკრულება და ნატოს სპეციალური პაკეტი. ასევე ძალიან მნიშვნელოვანია რეგიონული თანამშრომლობის გაძლიერება და ის ვიზიტები, რომელიც მსოფლიოს სხვადასხვა კუთხეში სხვადასხცვა დონეზე შედგება. განსაკუთრებით მნიშვნელოვანი კი ევროპასა და აშშ-ში ვიზიტები იქნება“, - განაცხადა ბერუჩაშვილმა.