უკრაინას ქართველ მინისტრთა ჯგუფი ესტუმრება. ამის შესახებ ჟურნალისტებთან საუბრისას საგარეო საქმეთა მინისტრმა განაცხადა. თამარ ბერუჩაშვილის ინფორმაციით, მინისტრები კიევში სავარაუდოდ იანვარის ბოლოს გაემგზავრებიან და სწორედ ამის შემდეგი ეტაპი იქნება პრემიერის უკრაინაში ვიზიტი.

თუმცა მინისტრს არ დაუკონკრეტებია, როდის გაიმართება პრემიერის უკრაინაში ვიზიტი.

"ახლა ვმუშაობთ იმაზე, რომ კიევში სამინისტროების დონეზე ვიზიტები გაიმართოს. ასევე, ვმუშაობთ პრემიერის ხელმძღვანელობით საქართველოს დელეგაციის ვიზიტზე",'- განაცხადა ბერუჩაშვილმა.