საქართველოს-სომხეთის საზღვარზე უხვი ნალექის გამო 200-მდე ავტომობილი თოვლშია ჩახერგილი, ქარბუქის გამო ნინოწმინდა-ბავრის სასაზღვრო გამშვებ პუნქტზე მძიმე ტექნიკა ვერ მუშაობს, რის გამოც მოქალაქეები რამდენიმე საათია მანქანებში იმყოფებიან და გადაადგილებას ვერ ახერხებენ.

სავარაუდოდ ავტომობილების გამოყვანა დღის ბოლომდე უნდა მოხერხდეს, მაგრამ არის იმის საშიშროება, რომ საღამოს ყინვამ მოიმატოს და ტექნიკამ გაწმენდვითი სამუშაოების შესრულება კვლავ ვერ მოახერხოს.

ადგილობრივმა ხელისუფლებმ ჩახერგილი ავტომობილების მძღოლებს საწვავი მიაწოდა, რამდენიმე საათის წინ მოხერხდა 150 ზე მეტი ავტომობილის გამოყვანა, თუმცა დიდი ნაწილი გამოსვლას კვლავ ვერ ახერხებს.

საგზაო დეპარტამენტის წარმომადგენლების თქმით, პრობლემა მოქალაქეების დაუმორჩილებლობამ გამოიწვია, რადგან მათ საზღვრამდე მისვლა შემოვლითი გზით სცადეს და ჩაიხერგნენ.