ჟურნალისტი ნანუკა ჟორჟოლიანი დიდთოვლობის გამო გზებზე შექმნილ ვითარებასთან დაკავშირებით ხელისუფლებას აკრიტიკებს.

„გუდაურში სეზონი რომ გვიხარია და თოვლი, მთავრობას გააგებინეთ რომ გზებს გაწმენდა უნდა! ადგილობრივ ხელისუფლებას ეტყობა გამოცდილება არ ააქვს და ძველებმა მაინც უთხრან რას შვებოდნენ ამ დროს! სეზონის ფილმს ჰგავს იქაურობა. კაცი პატრონი არაა“, - წერს ჟორჟოლიანი.

შეგახსენებთ, საქართველოს საავტომობილო გზებზე, რთული მეტეოროლოგიური პიროიბებისა და ინტენსიური თოვის გამო დაწესებულია შეზღუდვები. საქართველოს გარემოსა და ბუნებრივი რესურსების დაცვის სამინისტროს, გარემოს ეროვნული სააგენტოს ცნობით, მცხეთა–სტეფანწმინდა–ლარსის საავტომობილო გზის ფასანაური-მლეთა-გუდაური–კობის მონაკვეთზე ზვავსაშიშროების გამო ყველა სახის ავტოტრანსპორტის მოძრაობა აკრძალულია.