ტურიზმის ადმინისტრაციის ხელმძღვანელის გიორგი ჩოგოვაძის ინფორმაციით, მთავრობა ვიზის აღების ელექტრონულ ფორმას სავარაუდოდ 1 თებერვალს წარმოადგენს.

მისი თქმით, 2013 წელთან შედარებით 2014 წელს 1,9%-ით მეტი მოგაზური ეწვია.

„2014 წელს საქართველოს 5 493 492 საერთაშორისო მოგზაური ეწვია, რაც 2013 წლის ანალოგიური პერიოდის მონაცემს 1,9%-ით აღემატება. რამდენიმე ფაქტორი იყო, რამაც ჩვენი საპროგნოზო მონაცემები დააკორექტირა. პირველ რიგში ეს არის რეგიონში არსებული ვითარება, თუმცა სავიზო რეგულაციების გამკაცრებამ, შესაძლოა ტურისტების რაოდენობაზე იმოქმედა. უახლოეს მომავალში საქართველოს მთავრობა წარმოადგენს ვიზის აღების ელექტრონულ ფორმას, რაც ტურისტებს საქართველოს ვიზის აღების შესაძლებლობას გაუმარტივებს", - განაცხადა ჩოგოვაძემ.