ქართველი კალანთბურთელი ზაზა ფაჩულია NBA-ში წარმატებულ ასპარეზობას განაგრძობს, 5 იანვარს სტუმრად ნიუ იორკ ნიქსთან გამართულ შეხვედრაში ქართველმა ცენტრმა მატჩის საუკეთესო მოთამაშის წოდება დაიმსახურა.

ზაზა ფაჩულიამ 5 იანვარს სეზონში უკვე მეხუთე ორმაგი დუბლი გაიფორმა, მატჩის დასრულების შემდეგ მის ანგარიშზე 16 ქულა, 14 მოხსნა, ორი შედეგიანი გადცემა და ორი ჩაჭრა იყო. ზაზამ 4 დან 4 საჯარიმო ჩააგდო, ხოლო 12 ორქულიანიდან მეტოქის კალათში 6 ნასროლი მოათავსა, ქართველი კალათბურთელის მარგი ქმედების კოეფიციენტი საუკეთესო იყო მილოუკი ბაქსის შემადგენლობაში.

მილოუკი ბაქსის აქტივში ამ ეტაპზე 18 მოგება და 17 მარცხია. ჯეისონ კიდის გუნდი პლეი ოფში მოხვედრისთვის იბრძვის და ამჟამად აღმოსავლეთ კონფერენციაში მე-6 ადგილზეა.