შეწყალების კომისიის თავმჯდომარე ზვიად ქორიძე ე.წ. "უდოს" კომისიის გაუქმების იდეას მიესალმება.

ქორიძის თქმით, ამ პროცესებში საზოგადოების აქტიური ჩართულობა აუცილებელია.

„ეს პროცესი იქნება მიმართული იქითკენ, რომ კიდევ უფრო ლიბერალური გახდეს მიდგომა მსჯავრდებულთა ვადაზე ადრე გათავისუფლების მექანიზმთან დაკავშირებით და კიდევ უფრო მეტად პრიორიტეტული იქნება ერთის მხრივ მსჯავრდებულთა ინტერესები და მეორეს მხრივ - საზოგადოების ინტერესები. ამ პროცესში საზოგადოების რაც შეიძლება მეტი ჯგუფი უნდა იქნას ჩართული,“ - განაცხადა ზვიად ქორიძემ.

როგორც ცნობილია, ე.წ. "უდოს" კომისიის გაუქმების შემდეგ პატიმრების გათავისუფლების შესახებ გადაწყვეტილებას ადგილობრივი საბჭოები მიიღებენ.