გარემოს დაბინძურებაზე ჯარიმა 50-დან 5000-ლარამდე 15 იანვრიდან ამოქმედდება

პოლიტიკა - 12:22, 02 Jan, 2015

2681

კანონი - „ნარჩენების მართვის კოდექსი", რომელიც პარლამენტმა უკვე დაამტკიცა, ითვალისწინესბ ჯარიმებისა და სანქციების მაქსიმალურ გამკაცრებას გარემოს დაბინძურებაზე.

ჯარიმების მინიმალური ოდენობა 50 ლარით, მაქსიმალური ოდენობა კი, 5.000 ლარით განისაზღვრება.

პარლამენტის მიერ დამტკიცებული "ნარჩენების მართვის კოდექსი" 15 იანვრიდან ამოქმედდება. ახალი კანონის მიზანია, ნარჩენების მართვის სფეროში სამართლებრივი საფუძვლების შექმნა ისეთი ღონისძიებების დანერგვისთვის, რაც ხელს შეუწყობს ნარჩენების წარმოქმნის პრევენციას, ხელახალი გამოყენების ზრდას, ნარჩენების გარემოსთვის უსაფრთხო გზით დამუშავებას და მათ უსაფრთხო განთავსებას. კანონი „ნარჩენების მართვის კოდექსი" ითვალისწინებს ნარჩენების მართვის თანამედროვე მიდგომებისა და ევროპული სტანდარტების დანერგვას საქართველოში.

კანონი მნიშვნელოვანია საქართველოსა და ევროკავშირს შორის ასოცირების შეთანხმების თვალსაზრისითაც, რადგან მის ერთ-ერთ მთავარ მიზანს გარემოს დაცვა წამოადგენს.

კანონით მეწარმეებს თავიანთი ნარჩენების მეორადი გადამუშავების ვალდებულება უჩნდებათ. ახალი კოდექსის ფარგლებში იგეგმება ევროპული სტანდარტების მქონე ნაგავსაყრელების მოწყობაც.