,,ახალ წელს უკანასკნელი ხუთი წლის განმავლობაში ვხვდებოდი ოჯახში, მშობლებთან და დასთან ერთად. მანამდე ეს ბედნიერიება არ მქონდა, რადგან 7 წლის განმავლობაში, საზღვარგარეთ სწავლის პერიოდში მათგან შორს მიწევდა ახალი წლის შეხვედრა. წელს, 35 წლის განმავლობაში, არაჩვეულებრივი ახალი წელი მექნება. ოჯახში უკვე მატებაა და დამდეგს არა მხოლოდ მშობლებთან და დასთან ერთად, არამედ პატარა ალექსანდრესთან შევხვდები. ის არის ყველაზე ძვირფასი საჩუქარი, რაც კი მიმიღია რომელიმე ახალ წელს. წელს ეს იქნება განსხვავებული, თუმცა მანამდე ყოველთვის ტრადიციული ახალი წელი მქონდა. სახლში ვხვდებოდი მომავალი წლის მოსვლას და შემდეგ გავდიოდი მეგობრებთან და ნათესავებთან. წელს პირიქით იქნება. ნაკლებად მაქვს სურვილი, რომ ბავშვს მოვწყდე. სურვილი მაქვს, რომ ყველა მოვიდეს ჩემთან. მოკლედ, ძალიან აღმატებული, ემოციებით და პოზიტიური განწყობით ვხვდები 2015 წელს. ეს წელი იყო საუკეთესო ჩემს ცხოვრებაში“ - ამბობს ნიკა მელია.

2014 წლის მნიშვნელოვანი პოლიტიკური მოვლენა

,,2014 წელს ყველაზე პოზიტიური იყო პოსტსაბჭოთა სივრციდან დაღწევის უზრუნველსაყიფად ერთი დამატებითი ნაბიჯი - ასოცირების ხელშეკრულების რატიფიცირება. ეს არის ძალიან მნიშვნელოვანი და ალბათ, ამაზე მნიშვნელოვანი არაფერი მომხდარა. ერთი ნაბიჯი გადავდგით კიდევ ევროპისკენ.

რაც შეეხება ნეგატიურ მოვლენას, ზოგადად ძალიან ემოციური წელი იყო და პოლიტიკური ვნებათაღელვა სჭარბობდა ჩვენს ყოველდღიურ ცხოვრებაში. ახალ 2015 წელს ვისურვებდი, რომ ვნებათა-ღელვა დაცხრეს და იყოს სიმშვიდე“, - აცხადებს პოლიტიკოსი.

2014 წლის პესრონა

,,ჩემთვის პირადად, არის პატარა ალექსანდრე. ბავშვის მოვლენამ ჩემს ცხოვრებაში ბევრი რამე შეცვალა, მეც შემცვალა და ვგრძნობ, რომ გარდაიქმნა ჩემი ცხოვრება. ესეთი ბედენირი ცხოვრებაში არ ვყოფილვარ.

ასევე, წლის პერსონა ჩემთვის არის დავით ბაქრაძე. ეს არის ადამიანი, რომელსაც აქვს უზარმაზარი პოტენციალი, რომ ყველა მძიმე სიტუაციიდან გამოიყვანოს ქვეყანა. ის იმ საჭირო თვისებებით არის აღჭურვილი, რაც გამოცდილ პოლიტიკოსს სჭირდება. მადლობა ღმერთს, რომ დღეს რამდენიმე ასეთი ადამიანი გვყავს პოლიტიკაში.

უდიდესი საჩუქარი მივიღე ალექსანდრეს სახით. ყველას მინდა ვუსურვო განიცადოს ის სიხარული, რაც მე განვიცადე 2014 წლის ბოლოს. ეს წელი იყო საუკეთესო ჩემს ცხოვრებაში“, - ამბობს ნიკა მელია ,,ნიუპოსტთან“.