ვიცეპრემიერი, კახა კალაძე ყოფილი ხელისუფლების პიარის ნაწილად აფასებს უკრაინის მთავრობაში სააკაშვილის და ადეიშვილის გვარების გაჟღერებას. ამის შესახებ კალაძემ თოქ-შოუ ,,არჩევანში“ განაცხადა.

რაც შეეხება ყოფილი ხელისუფლების წარმომადგენლებს, რომლებიც უკრაინის მთავრობაში მაღალ თანმამდებობებზე დაინიშნენ, ვიცე-პრემიერმა მათ წარმატება უსურვა.

"ისინი ჩვენი ქვეყნის მოქალაქეები არიან, მათ არანაირი კანონდარღვევა არა აქვთ ჩადენილი. ისინი ჩვენს ქვეყანასაც ღირსეულად ემსახურებოდნენ.

რაც შეეხება ადეიშვილსა და სააკაშვილზე საუბარს, ეს ჩვენთვის გაკვირვების საგანს წარმოადგენს, რადგან ადამიანები, რომლებიც ძებნაში არიან, ცოტა უხერხული იქნება, უკრაინის ხელისუფლებაში მაღალ თანამდებობებზე იყვნენ წარმოდგენილნი. მაგრამ მგონია, ეს ერთგვარი პიარის ნაწილი იყო და ეს ყველაფერი გაჟღერებული იყო ჩვენ ყოფილი ხელისუფლების წარმომადგენლების მხრიდან," - ამბობს კახა კალაძე.