საკრებულოს დამოუკიდებელი დეპუტატი ალეკო ელისაშვილი საკრებულოს მიერ სოლოლაკის ფერდობისთვის სტატუსის სწრაფ რეჟიმში შეცვლას ბიძინა ივანიშვილის ინტერესებს უკავშირებს.

„ქალაქს უნდა ჰქონდეს გენგეგმა და გენგეგმას უნდა ერგებოდეს დანარჩენი ყველაფერი, ამ ეტაპზე გენგეგმა ცოტა გრძელვადიანი პერსპექტივაა, ამიტომ დროებითი რეგულაციები შეიძლებოდა, მით უფრო ისტორიული არეალისთვის გაკეთებულიყო და ამას მორგებოდა დანარჩენი პროექტები, ახლა პირიქით ხდება, ერთ პროექტს ერგება ქალაქის ინტერესი. საკრებულომ იმიტომ იჩქარა , რომ ამ საინვესტიციო პროექტის უკან დგას ბიძინა ივანიშვილი.

ხმაურის რეგულაციის პროექტს საკრებულომ 4 თვის განმავლობაში ვერ მოაბა თავი, 25 დეკემბერს შემოსულმა საკითხი კი დღეს უკვე სხდომაზე გამოიტანეს, დეპუტატებს უნდოდათ ბიძინა ივანიშვილისთვის ესიამოვნებინათ.

სააკაშვილი მეტს კი არაფერს აკეთებდა, ის უბრალოდ განხილვებს არ აწყობდა, ამათმა ფიქტიური განხილვა ჩაატარეს,“- განაცხადა ალეკო ელისაშვილმა „მოამბის“ ეთერში.