კულტუროლოგი ცირა ელისაშვილის განცხადებით საკრებულოს გადაწყვეტილება არასამართლიანია და სოლოლაკის ფერდობის დასაცავად ისინი ბრძოლას კვლავ გააგრძელებან.

„მთავარი იყო ის რომ აქ ყოფილიყვნენ ექსპერტები და დაეფიქსირებინათ თავისი პოზიცია, პროექტის ავტორებს კი დაესაბუთებინათ ის აუცილებლობა, თუ რატომ არის საჭირო ამ პროექტის კონკრეტულად ამ ტერიტორიაზე აშენება.

მიიღეს ის გადაწყვეტილება, რომელიც მიიღეს, ჩვენ დაგვრჩა ორი გზა ეს არის სამართლებრივი გზა -სასამართლოში და ეს არის საზოგადოებრივი აქტივობის გზა თბილისის ქუჩებში.“

შეგახსენებთ, თბილისის საკრებულომ სოლოლაკის ფერდობს სტატუსი შეუცვალა. საკრებულოს სხდომაზე გადაწყვეტილება 23 ხმით იქნა მიღებული. სტატუსის ცვლილება საშუალებას იძლევა აღნიშნულ ტერიტორიაზე "პანორამა თბილისის" პროექტი განხორციელდეს და მშენებლობები დაიწყოს.