თბილისი საკრებულოსთან მომხდარ დაპირისპირებას საკრებულოს დეპუტატები ეხმაურებიან. სოსო მანჯავიძის თქმით საკრებულოსთან დღეს განვითარებული მოვლენებს უკან „ნაციონალური მოძრაობა“ დგას.

"თვითონ საკითხი დრამატული არ არის, ეს არის ჩვეულებრივი პროექტი, რომელიც უნდა იქნას განხილული, ამ დროს ეს ადამიანები, რომელთა დიდი ნაწილი გაუგებარ მდგომარეობაში იმყოფება ილანძღებიან, იფურთხებიან და რაღაც გაურკვეველ ბრალდებებს წარმოტქვამენ, ისინი ცდილობენ პროექტის დისკრედიტირებას, ეს იმდენად სასაცილო და არაადეკვატური მოქმედებააა და იმდენად ღიად ჩანს "ნაციონალური მოძრაობის" ხელი ამ ყველაფერში, რომ ამაზე ლაპარაკიც კი ზედმეტია“ - განაცხადა სოსო მანჯავიძემ.

შეგახსენებთ, რომ საკრებულოს შენობასთან არასამთავრობო ორგანიზაციების ოთხი წარმომადგენელი დააკავეს.