ენერგეტიკის მინისტრის, კახი კალაძის განცხადებით, ქართულ მხარეს კომპანია „პეტროკასთან“ დაკავშირებული ტრანზაქციების ჩაშლის, ან შეფერხების საშუალება არ გააჩნია.

კალაძის თქმით, მისთვის დღეს გახდა ცნობილი, რომ „როსნეფტმა“ „პეტროკასის“ გარკვეული წილი იყიდა და ეს ინფორმაცია ოფიციალურადაც დადასტურდა.

„კომპანია „გალფს“ რაც შეეხება, ყველასთვის ცნობილია, რომ ეს კომპანია ასოცირდებოდა კეზერაშვილის სახელთან. კეზერაშვილი კი, სააკაშვილის ძირითად აქტივებს მართავდა. რაც შეეხება ბენზინგასამართ სადგურებს და ტერმინალს, ჩვენ არანაირი ბერკეტი არ გაგვაჩნია, რომ რაიმე შეფერხება გავაკეთოთ ან ჩავშალოთ ეს ტრანზაქციები, რადგან ეს ოფშორულ ზონაში მოხდა,ყველაფერი ამის განხორციელება, ამიტომ მე ცოტა გამიჭირდება, პასუხი გაგცეთ კითხვაზე დაიწყება თუ არა რაიმე სახის გამოძიება,"- განაცხადა კალაძემ.