ხმაურიანი აქცია საკრებულოსთან - საპატრულო პოლიციის თანამშრომლება ადმინისტრაციული წესით, აქციის 4 მონაწილე დააკავეს. დაკავებულები მოძრაობა "პარტიზანი მებაღეების" წევრები არიან, რომლებიც თბილისის საკრებულოს შენობასთან, "პანორამა თბილისის" მშენებლობას აპროტესტებდნენ.

საკრებულოს შენობასთან ამ დრომდე რჩებიან სამართალდამცავები და აქციის მონაწილეები.

სამართალდამცველებსა და აქციის წევრებს შორის შეტაკება დაიწყო მას შემდეგ როდესაც მათ გადაკეტეს საკრებულოს კარები.

"პარტიზანი მებაღეები" დედაქალაქში, კერძოდ, სოლოლაკში ზონალური სტატუსების შეცვლის საკითხის გადადებას ითხოვენ, რაც მათი განმარტებით, "პანორამა თბილისის" პროექტს უკავშირდება და ამ პროექტზე საჯარო განხილვების მოწყობას მოითხოვენ.

27 დეკემბერს თბილისის საკრებულოს ურბანული დაგეგმარებისა და საქალაქო მეურნეობის კომისიამ იმსჯელა ქალაქის სხვადასხვა უბნებში ზონალური სტატუსების შეცვლის შესახებ, მათ შორის, სოლოლაკში მდებარე რამდენიმე ნაკვეთისთვის სტატუსის შეცვლის თემაც განიხილეს.