საზოგადოებრივი მოძრაობა “ივერიაა” წარმომადგენელმა, ნიკა რურუამ მოძრაობის მიერ პროკურატურაში შეტანილ მოთხოვნაზე ისაუბრა. რურუას განცხადებით, „ივერია“ პროკურატურისგან საქართველოში მოქმედი რუსული სახელმწიფო არხების საქმიანობის შესწავლას ითხოვს.

მისი შეფასებით, ტელეკომპანიები “RUSSIA TODAY” და “RTR” რუსული ხელისუფლების პროპაგანდისტულ ინტერესებს ატარებს და ეს არის ერთგვარი ჰიბრიდული ომი, რომლითაც რუსეთის ხელისუფლება ქართული საზოგადოების ინფორმაციულ ბლოკადაში მოქცევას ცდილობს.

„ეს არის იმისთვის. რომ ტვინების გამორეცხვა აწარმოოს, ეს არ არის უბრალოდ საინფორმაციო არხები, ეს არის რუსეთის თავდაცვისა და უშიშროების სისტემებთან მჭიდრო კავშირში მყოფი ორგანიზაციები, და ისინი აწარმოებენ ბრძოლას საქართველოს წინააღმდეგ. ისეთი ქვეყნები, როგორიცაა ლიტვა, ლატვია ესტონეთი, მოლდოვა და უკრაინა, ამათ აკრძალული აქვთ უკვე, ეს არხები არიან ტიპიური პროპაგანდის მანქანები, ამას ინფორმაციასთან და ობიექტურობასთან საერთო არა აქვს, ამის გამოძიებას ვთხოვთ პროკურატურას, რისი დიდი იმედიც არა მაქვს, მაგრამ ჩვენ ყველა სამართლებრივ ნაბიჯს გავივლით, რათა ეს არხები აიკრძალოს საქართველოში “- განაცხადა ნიკა რურუამ.