'პანორამა თბილისის" პროექტის შესახებ, თბილისის მერი დავით ნარმანია განმარტავს, რომ საკითხი სხვაგვარად დგას და რეკრეაციული ზონის სტატუსის შეცვლაზე საუბარი არ არის. მისივე თქმით, აღნიშნული ტერიტორია კერძო საკუთრებაა და ზონის ცვლილების შესახებ განაცხადი საკრებულოში მესაკუთრემ შეიტანა.

„კომპანია Old City Development-მა ჩვენთან შემოიტანა მისი კუთვნილი ტერიტორიის ერთ ნაწილში ზონის ცვლილებასთან დაკავშირებით განაცხადი, რომელიც პროცედურების სრული დაცვით იქნა განხილული. ტერიტორია ძალიან მნიშვნელოვანი პროექტის განსახორციელებლად არის განკუთვნილი და ამიტომ, დარწმუნებული ვარ, რომ გადაწყვეტილება იქნება მიღებული დადებითი. რეკრეაციული სტატუსის მოხსნაზე არ არის საუბარი,“ - განაცხადა დავით ნარმანიამ.

პანორამა თბილისის პროექტის ფარგლებში პროექტის ავტორები მოითხოვენ ე.წ „ამერიკული სოფლის“ ტერიტორიის ათვისებას და განაშენიანების მიზნით ზონისთვის სტატუსის შეცვალს, ოპოზიცია კი აცხადებს რომ მხოლოდ სტატუსის შეცვლა არ არის საკმარისი და უნდა მომზადდეს განაშენიანების გენაერალური გეგმა და მხოლოდ ამის შემდეგ მიიღოს საკრებულო საბოლოო გადაწყვეტილება.