შსს-ს პირველი კომენტარი აფხაზეთის საოკუპაციო ხაზთან დაკავებულ თანამშრომელზე

პოლიტიკა - 00:16, 30 Dec, 2014

1828

ენგურის ხიდთან აფხაზეთის საოკუპაციო რეჟიმის მიერ დაკავებულ პაატა თოდუას შესახებ ,,ნიუპოსტთან“ პირველ კომენტარს აკეთებს შს სამინისტრის ანალიტიკური დეპარტამენტის უფროსი შალვა ენუქიძე. მისი თქმით, ე.წ. აფხაზეთის ძალოვანმა სტრუქტურებმა თოდუას დაკავება დაადასრტურეს, თუმცა ადგილსამყოფელი ამ დრომდე უცნობია.

მისი განმარტებით, აღნიშნული პიროვნება გუშინ საღამოს, ენგურის ხიდთან ოჩამჩირეში მცხოვრებ მამასთან შესახვედრად იმყოფებოდა, რომელსაც შვილისთვის საახალწლო ნობათი უნდა გადმოეცა. ენუქიძის თქმით, მოლაპარაკების პროცესი ევროკავშირის სადამკვირვებლო მიისიის ცხელი ხაზის მეშვეობით მიმდინარეობს.

,,მისი დაკავება მოხდა ე.წ. აფხაზეთის ძალოვანი სტრუქტურების მეირ თითქოსდა ე.წ. საოკუპაციო ხაზის უკანონო გადაკვეთისთვის. დაგვიდასტურეს, რომ ნამდვილად მოხდა დაკავება, ხოლო ადგილსამყოფელთან დაკავშირებით, ჯერ-ჯერობით ინფორმაციას არ ვფლობთ. მიმდინარეობს მოპალარაკებები, თუმცა ეს ადამიანი გალის წინასწარი დაკავების იზოლატორშია თუ სოხუმში გადაიყვანეს, ამ დროისთვის უცნობია. ამ ეტაპზე ევროკავშირის სადამკვირვებლო მისიის, ცხელი ხაზის მეშვეობით მიმდინაეობს ინფრომაციის დაზუსტება, თუ სად იმყოფება ამ მომენტისათვის“, - აცხადებს ენუქიძე.

შსს-ს ანალიტიკური დეპარტამენტის უფროსი ,,ნიუპოსტთან“ საუბარში არ ადასტურებს ინფორმაციას იმის შესახებ, რომ პაატა თოდუა სპეცრაზმელია. ენუქიძე განმარტავს, რომ პაატა თოდუა არის დეპარტამენტი რიგითი სატვირთო მანქანის მძღოლი.

,,აღნიშნული პიროვნება არის შსს განსაკუთრებულ დავალებათა დეპარტამენტის რიგითი სატვირთო მანქანის, ,,კამაზის“ მძღოლი, ის არ არის სპეცრაზემლი და არც არანაირი საბრძოლო მომზადება არ აქვს გავლილი“, - აცხადებს ენუქიძე.