კომპანია „დელტაკომი“ 2007 წლიდან 2014 წლამდე უფასოდ ემსახურებოდა. ამის შესახებ „დელტაკომის“ 50%-იანი წილის მფლობელმა დავით ხუბულურმა ტელეკომპანია „იმედთან“ ინტერვიუს დროს განაცხადა. მისი თქმით, ურთიერთობის ეს ფორმა 2014 წლის პირველი იანვრიდან შეიცვალა და შინაგან საქმეთა სამინისტრომ კომპანიისთვის თანხის გადახდა დაიწყო.

„ჩვენ შინაგან საქმეთა სამინისტროს გაუწიეთ საერთო ჯამში 17 მილიონ ლარზე მეტი მომსახურეობა. თუმცა ამ უწყებიდან 2014 წლიდან უკვე თანხას ვიღებთ. მანამდე ერთი თეთრი არ მიგვიღია. ეხლა თანხას იმიტომ ვიღებთ, რომ შეიცვალა გეგმები და მოთხოვნები. დღეს შსს-ს არამარტო ოპტიკურ- ბოჭკოვან მაგისტრალებს, არამედ მატერიალურ ფასეულობებს გადავცემთ უფასოდ. ჩვენ გვეუბნევიან რა სიმაღლეზე უნდა ავხტეთ და ვხტებით. რას ემხასურება ეს, არ მაინტერესებს“, - აცხადებს ხუბულური.