იუსტიციის მინისტრი თეა წულუკიანი იმედოვნებს, რომ მიხეილ სააკაშვილის ძებნასთან დაკავშირებით საქართველოს პროკურატურის ინტეპოლისადმი მიმართვა წარმატებული იქნება.

ამის შესახებ წულუკიანმა ჟურნალისტებთან საუბრისას განაცხადა.

მისი თქმით, ინტერპოლის გადაწყვეტილება ხელისუფლების საქმიანობის შეფასების საგანი ვერ გახდება.

"წითელი ცირკულარით პირის ძებნას ინტერპოლი ახორციელებს. შესაბამისად ინტერპოლის გადაწყვეტილებაზე შეიძლება გამოითქვას სხვადასხვა შეფასებები, თუმცა ინტერპოლის გადაწყვეტილება ხელისუფლების საქმიანობის შეფასების საგანი ვერ გახდება", - განაცხადა წულუკიანმა.