„საყდრისი-ყაჩაღიანის შემდეგ, შესაძლოა ხელისუფლებამ შეტევა განაოხრიცელოს სხვადასხვა ძეგლებზე, მათ შორის პანორამა-თბილისის პროექტზე“, - ამის შესახებ ჟურნალისტებთან საუბრისას ხელოვნებათმოცოდნემ სოფო კილასონიამ განაცხადა.

„გვაქვს სერიოზული ეჭვი, რომ ასე დაჩქარებული წესით, იგივე დარღვევებით და კანონის მორგების ფორმით, შეიძლება განახორციელონ სხვადასხვა ძეგლებზე შეტევა გარკვეული ჯგუფის ეკონომიკური თუ ფინანსური მოგების მიზნით. შეიძლება ვისაუბროთ პანორამა თბილისის პროექტზე. როგორც საყდრისის ძეგლთან მიმართებაში სტატუსის მოხსნისთვის ერთ კვირაში შეცვალეს კომისია, დააკომპლექტეს ისეთი ადამიანებით, რომლებსაც ჰქონდათ ინტერესთა კონფლიქტი და მარტივად მიიღეს გადაწყვეტილება, რომ სტატუსი ხელახლა მოეხსნათ, დაახლოებით ანალოგიური რამ მოხდა პანორამა თბილისთან მიმართებაში, თუმცა ეს სხვა საკითხია და ალბათ მომავალში უფრო აქტიურად ვისაუბრებთ“, - განაცხადა კილასონიამ.